Sedurung ngelantur jagi melajah aksara Bali
sinah becik pisan yening uning sapunapi mungguing wit utawi wiwilan sejarah
Aksara Bali punika. Sejarah aksara Bali nenten sida lempas ring panglimbak aksara
saking India, santukan panglimbak agama Hindu miwah Buddha ring panegara
Indonesia, taler rauh ring Bali kasarengin antuk basa miwah aksarannyane. Ring
panegara India wenten aksara sane kawastanin aksara Karosti. Saking aksara
Karosti puniki nglimbak dados aksara Brahmi. Mawit saking aksara Brahmi puniki
nglimbak dados aksara Dewanegari miwah aksara Pallawa; Aksara Dewanegari
kanggen ring India Utara sajeroning nyurat basa Sanskerta. Aksara Pallawa
kanggen ring India Selatan sajeroning nyurat basa Pallawa. Panglimbak aksara
Dewanegari miwah Pallawa ring Indonesia nganutin panglimbak agama Hindu miwah
Budha. Mawit saking panglimbak aksara Dewanegari miwah Pallawa puniki mawetu
wenten aksara Kawi; utawi aksara Indonesia Kuna. Saking aksara Kawi puniki
kasuen-suen ngraris mauah dados aksara Jawi miwah aksara Bali, taler dados
aksara-aksara tiosan sane mangkin wenten ring Indonesia. Pinaka cihnannyane
silih tunggil kakeniang ring Kutai (Kalimantan Timur) sajeroning yupa sane madaging sesuratan aksara Dewanegari,
Ring Bali panglimbak aksara Dewanegari miwah aksara Pallawa kakeniang ring Pura
Penataran Sasih Pejeng, Kecamatan Tampaksiring; Kabupaten Gianyar. Ring Pura
Penataran Sasihkakeniang stupa. stupa kecil sane madaging cap antuk tanah
legit.
Sajeroning cap-cap punika madaging sesuratan
aksara sane kawastanin aksara Pradewanegari utawi Siddhamatrka. Sesuratan
aksara puniki kanggen nyuratang rnantram Buddha Tathagataa Panglimbak
salanturnyane ring Pura Blanjong Sanur,wenten kakeniang tugu peringatan raja
Sri Kesari Warmadewa sane madaging sesuratan aksara Dewanegari miwah aksara
Bali Kuna.
Aksara Dewanegàri kanggen nyurat basa Bali
Kuna, aksara Bali Kuna kanggen nyurat basa Sanskerta. Aksara salanturnyane sane
nglimbak. wantah aksara Pallawa. Pinaka cihnannyane kakeniang sesuratan aksara
Pallawa sane kawastanin aksara Semi Pallawa. Mawit Saking aksara Semi Pallawa
puniki ngraris nglimbak wangunnyane dados aksara Kcdíri Kwadrat miwah dados
aksara Jawi rauhing dados aksara Bali. Sesuratan aksara Pallawa puniki minakadinnyane
wenten kakeniang ring Pura Bale Agung Sembiran. Wangun aksara Bali gumanti
bunteràn, puniki wantah cihnannyane wangun aksara Bali mawit saking sesuratan
aksara Pallawa, Cihnan panglimbak aksara Dewanegari sajeroning aksara Bali
minakadi wangun aksara a kara(Á)
masaih pisan ring aksara a Dewanegari
