Rasa angayubagya
aturang tityang majeng ring Ida Sang Hyang Widhi Wasa antuk sih asung kerta
wara nugraha Ida mapaica sunar lamakane tityang presida ngarya makudang –
kudang font aksara Bali. Mungguing tatujon tityange wantah nenten sios
ngawerdiang lan ngalimbakang penganggean aksara Bali ring sajeroning media
Elektronik minakadi ring komputer utawi ring media online sane ketah kasengguh
ring Website utawi ring Blog. Sajabaning punika taler matetujon ngaturin para
sisya, para jana lan para sujana taler para sameton sami sane oneng nyurat
aksara Bali ring media komputer maduwe makudang – kudang pilihan aksara bali
sane kasenengin ritatkala jagi nyurat aksara Bali ring komputer. Inggih sane
mangkin jaga aturang tityang makudang – kudang font aksara Bali anyar sane
pinaka hasik karyan tityang, sakewanten tityang nunas pangampura yening wenten
karyan tityang nenten manut ring Kayun
Bentuk Font
aksara Bali puniki yening imbayang mirif sekadi pekantenan Font aksara jawa
sakewanten nenten sinah pisan, riantukan bentuk asli aksara balin ipun kantun
manggeh pisan inggian punika bentuk ipun kantun lemuh lan bunter – bunter ring
sajeroning sasuratan ipun. Font aksara Bali puniki taler sampun naen aturang
tityang ring blog Sukanta Media sakewanten sane jaga aturang tityang mangkin
puniki sampun wenten makudang – kudang aksara lan pangangge aksara kabecikang
utawi (Direvisi)
Yening semeton
jagi arsa nyingak utawi jagi nganggen aksara puniki durus klik link ring sor
Puniki :
Makesujatian
nyane aksara Bali punika sampun maduwe pakem ipun ring sajeroning sasuratan,
punika mawinan font aksara bali nenten prasida jaga kaubah mabinayan pisan
sekadi huruf latin. Yening ring huruf latin Wenten aksara tegak bersambung ,
aksara kapital miwah sane siosan yening ring aksara bali nenten wenten. Font
aksara Bali Jelihjih puniki kantun mirip sekadi font bali Jelih std sakewanten
kesan sekadi aksara jawa ring font puniki sampun kaicalang dadosne aksara bali
jelijih puniki mirif sekadi aksara Bali Simbar sakewanten akeh taler pabinayan
ipun yen tlektek – tlektekang. Santukan Font puniki tetep ngutsahayang mangda
bentuk ipun bunter – bunter.
Minab wenten
semeton jagi arsa nyingak penganggean ipun ring sajeroning sasuratan rarisang
klik Link ring sor puniki :
Bentuk font puniki doh pisan mabinayan sareng
makekalih font sane ring ajeng. Font puniki bentuk nyane bunter bunter pisan
yen sekadi anak lingsir ngandikayang bentuk ipun ngetumbah (Bentuk Seperti
Ketumbar). inggian punika bentuk aksara Bali sane Bunter – bunter kadi
ketumbah. Font aksara Bali puniki taler sampun naen aturang tityang ring blog
Sukanta Media sakewanten aksara Bali puniki sampun wenten makudang - kudang
aksara utawi pengangge aksara sane kabecikang utawi (Direvisi)
Yening
semeton wenten arsa nyingak utawi ngangge ring sajeroning sasuratan durusang
klik link ring sor puniki:
Bentuk font
aksara Bali puniki mirip pisan sekadi Font Bali Jenar std, Sakewanten wenten
makudang – kudang bentuk aksara lan pengangge aksara sane ke adopsi saking
bentuk aksara sane ketah kasurat ring lontar. punika mawinan font puniki
mawasta Bali lontar jenar, mungguing tatujon ipun wantah mencoba ngeranjingang
bentuk - bentuk aksara ring lontar ngeranjing ring media komputer. Dumogi font
puniki prasida ngawewehin ring sajeroning variasi utawi varian aksara Bali sane
sampun wenten.
Yening para
semeton arsa jagi nyingak utawi jagi ngangge aksara bali puniki durus klik link
ring sor puniki :
Bentuk Font
aksara Bali puniki mirif pisan sekadi Font Bali Jelihjih sakewanten wenten
pabinayan ipun inggih punika font puniki maduwe bentuk alitan ring font Bali
Jelihjih utawi font sane siosan. Font puniki maduwe line height utawi tegeh
aksarane sane alitan, ukuran aksara puniki tambis – tambis Pateh tegehnyane
ring font aksara latin. Font aksara bali
puniki becik pisan kaanggen Nyurat aksara Bali ring media Online Sekadi ring
Website utawi ring Blog.Punika mawinan font puniki kawastani Font Bali Lite On
Asapunapi pakantenan
ipun durus cingak antuk mengklik link ring sor puniki :
Font aksara Bali Natya puniki wantah
aksara bali sane pinih anyar sane karyanin tityang, font puniki meduwe bentuk
sane unik sane mengadosi penulisan aksara Bali ring lontar – lontar. font
aksara Bali Natya Puniki tityang karyanin kalih Versi Inggih punika : Aksara
Bali Natya versi biasa lan Aksara Bali Natya Versi Unicode.
Versi sane Nomor kalih jaga tityang
wedar malih ring galah sane siosan . Asapunapi pakantenan aksara Bali Natya
Versi Biasa durus cingak antuk mengklik
link ring sor puniki :
Font aksara Bali Natya Jelih puniki wantah aksara
bali sane pinih anyar sane karyanin tityang, font puniki meduwe bentuk sane mirip
kadi font Bali Natya seantukan font puniki wantah perpaduan Font Bali Jelih Std
sareng font bali Natya. mungguing tatujon ipun wantah ngaturin semitone pilihan
ring sajeroning ngangge aksara bali sane maduwe bentuk sane melianan yadiastun
akidik pabinayan ipun. Asapunapi pakantenan aksara Bali Natya Jelih puniki durus cingak antuk mengklik link ring sor
puniki :
Font aksara Bali "Natya" Unicode puniki wantah aksara bali sane pinih anyar tur aksara Bali sane kapertama sane karyanin tityang nganggen versi Unicode, font puniki meduwe bentuk sane mirip kadi font Bali Natya seantukan font puniki wantah Font Bali Natya sane tityang karyanin ke versi Unicode mungguing tatujon ipun wantah ngaturin semitone pilihan ring sajeroning ngangge aksara bali sane maduwe versi melianan yadiastun akidik pabinayan ipun. Asapunapi pakantenan aksara "Natya" Unicode puniki durus cingak antuk mengklik link ring sor puniki :
Font aksara Bali
muncar puniki wantah aksara bali sane anyar sane karyanin tityang, font
puniki meduwe bentuk sane akidik mirip kadi penulisan ring makudang kudang
lontar antuk gaya penulisan sane artistik, mungguing tatujon font puniki
tityang karyanin wantah ngaturin semotone pilihan ring sajeroning nyurat
aksara bali ring media digital. Dumogi napi sane karyanin tityang wenten
pikenoh ipun. Asapunapi pakantenan aksara Bali muncar puniki durus cingak
antuk mengklik link ring sor puniki :
Rasa angayubagya aturang tityang
antuk sih asung kerta waranugraha Ida Sang Hyang Widhi wasa mewali tityang
ngaturang font aksara Bali Anyar sane wastanin tityang “Nilacaraka”. Pungguing
panganggean ipun font puniki becik kaanggen ritatkala ngarya Papan Nama, Cover
buku, majalah lan sane siosan duaning font funiki pakantenannyane angeng tur
tebel tebel.
Yening Wenten Arse ring font puniki raris klik link
ring sor puniki dumogi mapikenoh
Antuk
sih asung kertha wara nugraha Ida Sahg Hyang Widhi Wasa mewali tityang
ngaturang font aksara Bali Anyar sane wastanin tityang “Widya Jelih” . Font
puniki wantah hasil revisi Font Bali jelih, wenten makudang kudang
penyempurnaan bentuk utawi ukuran font sane sampun mempertimbangkan etika
Desain Grafis mawinan font puniki maduwe bentuk sane proforsional. Yening
Wenten Arse ring font puniki raris klik link ring sor puniki dumogi mapikenoh
Antuk
sih asung kertha wara nugraha Ida Sahg Hyang Widhi Wasa mewali tityang
ngaturang font aksara Bali Anyar sane wastanin tityang “Bali Neti” . Pekanten
font puniki wiakti alit utawi katah kebawos "ngecai" ukuran font puniki ngirangin tebel tipis tur sampun mempertimbangkan etika Desain Grafis
mawinan font puniki maduwe bentuk sane proforsional. Yening Wenten Arse ring
font puniki raris klik link ring sor puniki dumogi mapikenoh
Rasa
angayubagya aturang tityang antuk sih asung kerta waranugraha Ida Sang Hyang
Widhi wasa mewali tityang ngaturang font aksara Bali Anyar sane wastanin tityang
“Nilacaraka Bina”. Font puniki wantah pengembangan utawi penyempurnaan antuk
bentuk sane akidik metiosan sareng font Nilacaraka. font puniki meduwe bentuk
sane mekotak kotakan akidik sakewanten nenten doh ring pakem font aksara bali
sane sampun wenten Pungguing panganggean ipun font puniki becik kaanggen
ritatkala ngarya Papan Nama, Cover buku, majalah lan sane siosan duaning font
funiki pakantenannyane angeng tur tebel tebel. Yening Wenten Arse
ring
font puniki raris klik link ring sor puniki dumogi mapikenoh
Rasa angayubagya aturang tityang
antuk sih asung kerta waranugraha Ida Sang Hyang Widhi wasa mewali tityang jaga
ngaturang font aksara Bali Anyar sane wastanin tityang “WIDYA PATRA”. Font
puniki maduwe bentuk sane mirip ring font Font "BALI NETI". nanging
font puniki maduwe ukuran sane tebelan ring font Bali Neti lan maduwe bentuk
sane tegas lan kadi makotak kotak sakewanten nenten doh ring pakem font aksara
bali sane sampun wenten .
Minab wenten semeton jagi arsa nyingak penganggean ipun ring sajeroning sasuratan rarisang klik Link ring sor puniki :
Font Aksara Bali Anyar sane Wastanin
tityang "Bali_Gerip" wantah font aksara balin tityang sane kaping 15
risampune tityang ngamedalang font
"WIDYA PATRA" Font "Bali_Gerip" wantah font tityang sane
pinih anyar sae wau puputang tityang
Font puniki wantah font sane pinih
metiosan ring font sane sampun sampun tityang medalang. Font puniki tityang
karyanin mirif sekadi tulisan tangan ring lontar, mungguing tatujon tityang
wantah mencoba ngalestariang bentuk aksara Bali ring lontar lintang media
digital marupa font Aksara Bali
Yening minab Wenten semeton sane Arse ring font puniki raris klik link ring
sor puniki dumogi mapikenoh
Font Unicode sane no kalih utawi
sane pinih anyar puniki wastanin tityang Patra Bali, font puniki wantah
pengembangan font tityang sane dumunan sane mawasta Widya Patra. font Unicode
puniki sampun kabecikang malih mangda nganutin sekadi font sane standart lan
lumrah kacingakin. font puniki sampun nganutin etika desain grafis sane
sepatutnyane.
Minab wenten semeton jagi arsa
nyingak penganggean ipun ring sajeroning sasuratan rarisang klik Link ring sor
puniki :
Font
Unicode sane no tiga utawi sane pinih anyar puniki wastanin tityang Gurat Sari
UNC, font puniki wantah ngambil Ide saking sesuratan tangan ring Lontar lan
sesuratan Manual ring kertas.
Font puniki
taler tityang karyanin ngangge type font Biasa utawi ANSI utawi ASCII inggian
font sane lumrah keangge ring microsoft word.
Minab
wenten semeton jagi arsa nyingak penganggean ipun ring sajeroning sasuratan
rarisang klik Link ring sor puniki :
Wakul Kebah wantah
Font sane pinih anyar sane maduwe bentuk aksarannyane miring lan becik pisan
keanggen ritatkala nyurat Kartu Ucapan, Baner, miwah spanduk lan sane siosan.
font puniki pekantenannyane sekadi font aksara bali sane lebih moderen lan
kekinian
Minab wenten
semeton sane jagi arsa nyingak lan nagngge font puniki durus klik link ring sor
puniki :
Patra Bali.
ANS wantah Font sane pinih anyar sane
bentuk aksarannyane pateh ring Font Patra Bali Sane Unicode. font puniki
kekaryanin wantah ngaturin semeton sane durung praside ngangge font unicode
minab kebanda antuk piranti sane durung suport. font puniki taler mirip
bentuknyane ring font widya patra sakewanten wenten akidik bentuk aksarane sane
mabinayan.
Minab wenten
semeton sane jagi arsa nyingak lan nagngge font puniki durus klik link ring sor
puniki :
Lingga Patra
wantah Font aksara Bali sane bertype Unicode sane ukurannyane pateh sareng Font
latin. font puniki becik keangge ritatkala wenten pengetikan aksara sane
ngangge kombinasi aksara Bali lan aksara latin, pekantenan ipun rapi seantukan
aksara bali lan latin punika ukurannyane nenten mebinayan.
Font puniki taler
sampun nginutin sukating aksara bali sane sampun kesungkemin sekadi apacraken,
apacraken kirang, apacraken lintang lan sane siosan
Yening jagi arsa
nyingak lan ngawigunayang font puniki durusang klik link ring sor puniki
Dwita Patra
wantah Font aksara Bali sane meduwe 2 type Font inggih punika type Unicode lan
type ANSI sane ukurannyane pateh sareng Font latin. font puniki becik keangge
ritatkala wenten pengetikan aksara sane ngangge Type unicode utawi type ANSI
dadosne kalih type praside kaange ritatkala nyurat aksara Bali ring media
Digital.
Yening jagi arsa
nyingak lan ngawigunayang font puniki durusang klik link ring sor puniki
