Rasa angayubagia aturang tityang antuk sih asung kerta wara nugraha Ida Sang Hyang Widhi Wasa tityang sampun presida muputang Update Font aksara bali anyar tityang, update puniki matujon mandane semeton sane sampun ngangge font puniki malih prasida nganggen ring aplikasi Keyboard Dwijendra 2021 sane wau pisan kamedalang olih Yayasan Dwijendra.
Wenten makudang kudang syarat sane patut kamargiang sedurung font puniki jagi keanggen tetujon ipun mande ritatkala keangge nenten medal pikobet - pikobet sane jage ngawinang font puniki nenten memargi sekadi sepatutne.
Wenten sawetara kirang langkung 15 ( limolas) font sane sampun tityang update. ring font sane tityang update puniki wenten makudang kudang aksara sane kabecikang inggian punika nganinin antuk bentuk, pariasi, lan tata letak font mangda pekantenannyane sayan becik.
Prasarat sane patut kemargiang sedurung ngangge font puniki wantah kemargiang ritatkala semeton ngangge Office 2010, office 2013, Office 2016 lan Office selanturnyane, nanging yening Office 2007 nenten ngawentenang seting punapa punapi.
Tata cara settingnyane kadi ring sor puniki :
1. Klik menu Font utawi Klik Ctrl D l kadi gambar ring sor
2. Risampune punika jaga medal kotak dialog kadi gambar ring sor puniki
3. Raris cingak gambar beduur.
4. Klik Tab Advanced
5. Ring OpenType Features ring bagian Ligatures Klik tanda panah ke sor
6. Raris pilih All
7. Usan punika Klik Set As Default Utawi Klik OK
Yening semeton Klik Set As Default semeton wantah apisan ngelaksanayang seting puniki yening semeton Klik OK Nyabran ngangge Font Aksara bali anyar puniki semeton tetep ngewentenag setting kadi puniki.
Inggih kadi punika setting sane patut kemargiang selantur ipun font anyar sane ke Update sampun dados keanggen malih
yening jaga ngeref fontnyane klik link ring sor :
Font Aksara Bali Udate V2
Matur Suksema Dumogi wenten pikenoh ipun
